2019-07-17 08:21
Информагентства
0
Չնայած պատժամիջոցներին
Թուրքիան, չնայած Եվրամիության պատժամիջոցներին, մտադիր է Կիպրոսի շրջանում ակտիվացնել երկրաբանահետախուզական գործունեությունը։ Նման պլանների մասին երեքշաբթի Հյուսիսային Մակեդոնիայում կայացած մամուլի ասուլիսի ժամանակ հայտարարել է Թուրքիայի արտգործնախարար Մևլութ Չավուշօղլուն։ Այս մասին հաղորդում է tass.ru-ն՝ տեղական լրատվամիջոցներին հղումով:
«Եթե դուք նման որոշումներ եք կայացնում Թուրքիայի նկատմամբ, ապա մենք կակտիվացնենք մեր գործունեությունը: Այժմ Արևելյան Միջերկրածովյան տարածաշրջանում գտնվող երեք նավերին կմիանա նաև չորրորդը»,- հայտնել է նա:
Ընդ որում՝ Չավուշօղլուն վստահեցրել է, որ Եվրամիությունում «գիտեն իրենց ընդունած որոշումների իրականացման անհնարինության մասին»: Նա նաև կոչ է արել «լուրջ չընդունել ԵՄ-ի որոշումները, քանի որ դրանք ընդունվել են Կիպրոսի հունական համայնքի բավարարման համար»:
Ինչպես ավելի վաղ հաղորդել էր Tert.am-ը՝ ԵՄ-ն որոշում է կայացրել Թուրքիայի հետ ժամանակավորապես դադարեցնել Օդային տրանսպորտի վերաբերյալ համապարփակ համաձայնագրի շուրջ բանակցությունները և անորոշ ժամանակով հրաժարվել բարձր մակարդակի հետագա հանդիպումներից:
Բացի այդ, ԵՄ Խորհուրդն ընդունել է 2020 թվականի համար Թուրքիային տրվող ֆինանսական օգնության կրճատման նախաձեռնությունը, ինչպես նաև կոչ է արել Եվրոպական ներդրումային բանկին վերանայել Թուրքիայի նկատմամբ իր գործունեությունը:
ԵՄ-ն ընդգծել է Կիպրոսի տարածքային ջրերում Թուրքիայի անօրինական գործողությունների վատ ազդեցությունը ԵՄ-ի հետ հարաբերությունների վրա և Անկարային կոչ է արել դադարեցնել հետագա գործողությունները` հարգելով Կիրպոսի ինքնիշխանությունն ու օրենքները:
Անկարան, որը վիճարկում է Կիպրոսի բացառիկ տնտեսական գոտու սահմանները, ավելի վաղ ուղարկել է «Ֆաթիհ» նավը՝ հայտարարելով, որ հորատումը կտևի մինչև սեպտեմբերի 3-ը: Ապա ժամանել է Թուրքիայի երկրորդ՝ «Յավուզ» նավը, ինչը Հունաստանը և Կիպրոսը սադրանք են համարում։
ПОСЛЕДНИЕ ОТ АВТОРА
-
New2024-04-27 05:28Военная полиция Минобороны Армении принимает меры для установления личности граждан в военной форме, присоединившихся к политической акции в селе Киранц Тавушской области. Об этом сообщает пресс-служба оборонного ведомства.
-
New2024-04-27 05:23В результате применения светошумового специального средства в селе Киранц Тавушской области Армении были госпитализированы 5 граждан (4 женщины, 1 мужчина) и двое сотрудников полиции. Об этом сообщает «Национальный фронт».
-
New2024-04-27 05:19Украинская армия вывела с фронта американские танки Abrams M1A1 из-за российских разведывательных и ударных дронов, которыми теперь кишит воздушное пространство над полем боя. Танки оказались слишком уязвимы перед дронами, – пишет агентство Associated Press.
-
New2024-04-27 05:16К борьбе жителей приграничных сел присоединились 20 контрактников.
