Մինսկում բացվել է «Արմենպրես»-ի և «ԲելՏԱ»-ի լուսանկարների ցուցահանդեսը
Բելառուսում ՀՀ դեսպանության, Բելառուսի ազգային պատմության թանգարանի, «Արմենպրես» և «ԲելՏԱ» լրատվական գործակալությունների նախաձեռնությամբ Մինսկի Ազգային պատմական թանգարանում բացվել է «Սպիտակի ողբերգություն. հիշատակի հետահայաց» խորագրով լուսանկարների ցուցահանդեսը:
Ներկայացնելով ցուցահանդեսի խորհուրդը՝ «Արմենպրես» պետական լրատվական գործակալության տնօրեն Արամ Անանյանը նշել է. «Սա ոչ միայն հարգանքի տուրք է հիշողությանը, այլ նաև յուրատեսակ երախտիք բոլոր մարդկանց, կազմակերպություններին, պետություններին և ժողովուրդներին, որոնք արհավիրքի այդ ծանր պահին եղել են հայ ժողովրդի կողքին և ուժերի ներածին չափով նպաստ են բերել աղետի գոտու վերականգնմանը։ Մենք ցանկանում ենք այս լուսանկարները ներկայացնել Սպիտակում՝ Բելառուսի կողմից վերականգնված մշակույթի պալատում՝ որպես ապագայի և վերածննդի խորհրդանիշ։ Այս ցուցահանդեսով մենք նաև խոսում ենք ապագայի մասին, որը նույնպես այսօր է գրվում»։
Անանյանը մեծապես կարևորել է նմանօրինակ միջոցառումների իրականացումը և նշել, որ աղետի հետևանքների հաղթահարման գործում նշանակալի դեր են ունեցել լրագրողները, ովքեր բնական արհավիրքի մասին իրականության ներկայացմամբ խթանել են մարդասիրական առաքելության իրականացումը աղետի գոտում։
«Արմենպրես»-ի հաղորդմամբ՝ Բելառուսում ՀՀ արտակարգ և լիազոր դեսպան Արմեն Ղևոնդյանը հիշեցրել է, որ 1988 թվականի դեկտեմբերի 7-ի Սպիտակի ուժեղ երկրաշարժը տևել է ընդամենը 30 վայրկյան, բայց խլել է 25 հազար մարդու կյանք:
«Ավելի քան 30 տարվա ցավ հարազատների, ընկերների և գործընկերների նկատմամբ: 30 վայրկյանը տարեգրության սկիզբ դարձավ, որը տևում է մինչև օրս՝ հանուն ավերված գյուղերի և քաղաքների վերականգնման ու բարգավաճման: Սպիտակի ողբերգությունը նաև մարդասիրության և փոխադարձ օգնության տարեգրություն է: Սարսափելի ողբերգության լուրը աշխարհի հարյուրավոր երկրներից հազարավոր բժիշկներ և փրկարարներ է ուղարկել Հայաստան, ովքեր երկիր են բերել ոչ միայն դեղորայք և սարքավորումներ, այլ նաև ամրապնդել են հավատը և իրենց մասնակցությամբ հույս են ներշնչել: Ամենադժվար օրերին Բելառուսը նույնպես իր օգնության ձեռքն է մեկնել և նպաստել յուրաքանչյուր կյանքի փրկությանը: Եվ այսօր այս ցուցահանդեսը լռությամբ խոսում է լուսանկարներով և փոխանցում է այդ օրերի ողջ մթնոլորտը»,- ասել է Ղևոնդյանը:
Դեսպանը ընդգծել է, որ «Սպիտակի ողբերգություն. հիշատակի հետահայաց» նախագիծը հնարավոր է դարձել կյանքի կոչել «ԲելՏա»-ի և «Արմենպրես»-ի գործընկերային հարաբերությունների շնորհիվ:
«ԲելՏԱ»-ի գործադիր տնօրեն Իրինա Ակուլովիչը Ազգային պատմական թանգարանում ցուցահանդեսի բացման ժամանակ նշել է, որ «Սպիտակի ողբերգություն. հիշատակի հետահայաց» թեմայով լուսանկարների ցուցահանդեսը ցույց է տալիս, որ ցանկացած ողբերգություն կարելի է հաղթահարել միասին:
«Հայաստանում ողբերգությունը հաղթահարել են միասին: Ի վերջո, երբ մենք բոլորս միասին ենք, այդ ժամանակ ամեն ինչ ստացվում է: Նախ և առաջ, մենք ցանկանում էինք այս իմաստը ներդնել ցուցահանդեսում, ոչ միայն հիշել, այլ նաև իմանալ, որ միասնությունը միակ բանն է, որը հնարավոր է այսօրվա աշխարհում»,- ասել է Ակուլովիչը:
Նրա խոսքով՝ լուսանկարիչների, ինչպես լրագրողների դեպքում, աշխատելը շատ դժվար է, քանի որ թեմաները տարբեր են `ուրախ և տխուր,եբ պետք է տեսնել թե վիշտը, թե մահը, և դա շատ բարդ է, հետևաբար «ԲելՏԱ»-ի ներկայացված լուսանկարները հուզիչ են և բարդ: Սպիտակի երկրաշարժի 30-րդ տարելիցին նվիրված «Սպիտակի ողբերգություն. հիշատակի հետահայաց» թեմայով ցուցահանդեսում ներկայացված են «ԲելՏԱ» և «Արմենպրես» լրատվական գործակալությունների ֆոտոթղթակիցների 34 լուսանկարները, որոնք կատարվել են ողբերգական օրերին՝ արտացոլելով աղետը, ինչպես նաև ողջ մարդկության, մասնավորապես, բելառուս ժողովրդի արձագանքը հայ ժողովրդի ցավին:
«Սպիտակի ողբերգություն. հիշատակի հետահայաց» ցուցահանդեսը բացառիկ նախագիծ է, որտեղ ներկայացված են մեծ պատմական արժեք ունեցող լուսանկարներ, որոնք հիշեցնում են մի լայնամասշտաբ բնական աղետի և այն հաղթահարելու ամուր կամքի մասին: 1988թ. դեկտեմբերի 7-ին Հայաստանի հյուսիսում գրանցված հզոր երկրաշարժի ցնցումների հետևանքով կես րոպեում ավերվել է հանրապետության գրեթե ողջ հյուսիսային հատվածը: Կես միլիոնից ավելի մարդ կորցրել է օթևանը, երկրաշարժի հետևանքով շարքից դուրս է եկել Հայկական ԽՍՀ արդյունաբերական ներուժի շուրջ 40%-ը։ Ամբողջովին ավերվել են Սպիտակ քաղաքն ու 58 գյուղ, մասամբ ավերվել են Լենինական (ներկայում՝ Գյումրի), Ստեփանավան, Կիրովական (ներկայում՝ Վանաձոր) քաղաքներն ու ավելի քան 300 բնակավայրեր: Ողջ մարդկությունը արձագանքել է հայաստանյան աղետին, Խորհրդային Միության հանրապետություններն ու աշխարհի 113 երկիր, բազմաթիվ միջազգային մարդասիրական կազմակերպություններ ու անհատներ նեցուկ կանգնեցին Հայաստանին: Հայ ժողովրդին օգնության ձեռք մեկնեցին նաև բելառուսները, ովքեր աղետի առաջին իսկ օրերից մասնակցում էին փրկարարական և վերականգնողական աշխատանքներին: Բազմաթիվ հայ երեխաներ աղետից հետո հետցնցումային վերականգնում էին անցնում բելառուսական հաստատություններում, բելառուս լրագրողները իրենց հանրությանն ու աշխարհին էին ներկայացնում Հայաստանի մեծ աղետը:
ПОСЛЕДНИЕ ОТ АВТОРА
-
2024-05-12 18:49
На площади Республики Еревана стартует всенациональный митинг, созванный предстоятелем Тавушской епархии Армянской апостольской церкви, архиепископом Багратом Галстаняном.
-
2024-05-12 17:07
С территории у Матенадарана стартовало молодежное шествие к площади Республики в Ереване, где в 18:30 начнется общенациональный митинг во имя Родины.
-
2024-05-12 08:36
Гражданин Вазген Арутюнян в рамках онлайн-беседы «5 вопросов Армену Ашотяну» задал политзаключенному, вице-президенту РПА Армену Ашотяну вопрос о церемонии инаугурации президента России Владимира Путина 8 мая и отсутствии Никола Пашиняна и Ильхама Алиев на последовавшем параде. Гражданин спросил: "Ни Никол, ни Алиев не едут на инаугурацию и "парад", но они встретятся с Путиным 8 мая. Что это за игра? Какие последствия все это будет иметь?"
-
2024-05-12 08:32
Президент Азербайджана Ильхам Алиев недавно допустил, что в будущем Армения сможет покупать азербайджанский газ, связав это с реалиями, которые могут настать после возможной нормализации отношений между Азербайджаном и Арменией и вероятного подписания мирного договора. Следом за этим спикер парламента Армении Ален Симонян назвал гипотетическое «проведение газопровода из Азербайджана и Ирана и покупка у них газа очень хорошими вариантом», пояснив при этом, что обсуждения пока не ведутся.