2019-07-26 12:39
Информагентства
«Մեղմ ուժը» կդառնա ազգային անվտանգության նոր ռազմավարության բաղադրիչը
«Մեղմ ուժը» կլինի Հայաստանի ազգային անվտանգության նոր ռազմավարության բաղադրիչներից մեկը։ Այսօր հրավիրված ասուլիսի ժամանակ այս մասին ասաց Հայաստանի ազգային անվտանգության խորհրդի քարտուղար Արմեն Գրիգորյանը, տեղեկացնում է Sputnik Armenia-ը։
Նա նշեց, որ վարչապետ Նիկոլ Փաշինյանի կարգադրությամբ ստեղծվել է համակարգող միջգերատեսչական խումբ, որն աշխատում է ազգային անվտանգության ռազմավարության նախագծի վրա։ Նախագիծը պետք է պատրաստվի տարվա ընթացքում։
«Ազգային անվտանգության ռազմավարությունը փաստաթուղթ է, որում նշված են ազգային անվտանգության գլխավոր մարտահրավերները, սպառնալիքները և թե պետությունն ինչպես է պատրաստվում դիմակայել այդ մարտահրավերներին ու չեզոքացնել սպառնալիքները», – ասաց Գրիգորյանը։
Նրա խոսքով` գործող ռազմավարությունն ընդունվել է 12 տարի առաջ, որից հետո աշխարհում հիմնարար փոփոխություններ են տեղի ունեցել: 2007-ից ի վեր Ռուսաստան-Արևմուտք հարաբերություններում զարգացման նոր միտումներ են արձանագրվել, տեղի է ունեցել ռուս-վրացական պատերազմը, Իրան-ԱՄՆ լարվածությամբ պայմանավորված մեր սահմանակից Իրանի համար առաջադրվել են այդ պատժամիջոցները հաղթահարելու նոր խնդիրներ, Հայաստանը դարձել է ԵԱՏՄ անդամ, ինչպես նաև ստորագրել է Հայաստան-ԵՄ համաձայնագիրը:
Գրիգորյանն ընդգծեց, որ իշխանության համար լրջագույն խնդիր է բացառել դեռևս հարկ եղած գնահատականների չարժանացած 2016-ի ապրիլյան իրադարձությունների կրկնությունը։
Նրա խոսքով` ազգային անվտանգության ռազմավարության իրական հենասյունն են լինելու ՀՀ զինված ուժերը, որոնց կատարելագործման և մարտունակության բարձրացման համար բազմաշերտ քննարկումներ են ընթանում:
Գրիգորյանի խոսքով` առանձին դեր կհատկացվի սփյուռքի հետ համագործակցությանը։
Նա նշեց, որ Հայաստանը պետք է ձևավորի այնպիսի փաստաթուղթ, որը կլինի ճկուն, կարձագանքի մեր երկրում, տարածաշրջանում և աշխարհում տեղի ունեցող փոփոխություններին: Այս ռազմավարությունը պետականաշինության ճանապարհային քարտեզն է։
Գրիգորյանն ասաց, որ աշխատանքում կներգրավվեն փորձագետներ Արցախից` հաշվի առնելով ընդհանուր սպառնալիքները։
ПОСЛЕДНИЕ ОТ АВТОРА
-
New2025-05-06 05:52На пропускном пункте Гогаван – Гугути армяно-грузинской границы временно приостановлен проезд грузового транспорта. Об этом сообщает Комитет госдоходов Армении.
-
New2025-05-06 05:50В мае 2025 года Фонд ООН в области народонаселения (UNFPA) завершает работу своего странового офиса в Азербайджане.
-
New2025-05-06 05:46Беларусь и Азербайджан планируют совместное производство продукции военного назначения. Об этом заявил глава Государственного военно-промышленного комитета Беларуси Дмитрий Пантус, передает БЕЛТА.
-
New2025-05-06 05:43Индийская армия получила новую партию российских зенитных ракет и переносных зенитно-ракетных комплексов «Игла-С» для усиления своих возможностей противовоздушной обороны на фоне роста напряженности в отношениях с Пакистаном после атаки террористов в Пахалгаме, в результате которой погибли 26 человек. Об этом сообщает India Today.