Մեր հարաբերությունները չի կարելի ի վերուստ տրված համարել. Երևանում ռուսական կենտրոն բացվեց
Այսօր` սեպտեմբերի 18–ին, Ավետիք Իսահակյանի անվան կենտրոնական գրադարանի երևանյան մասնաճյուղերից մեկում բացվեց Հայաստանում առաջին «Ռուսական կենտրոնը»:
Կենտրոնում կա շուրջ 1500 ռուսալեզու գիրք, որոնցից կարող են օգտվել գրադարանի 40 հազար ընթերցողները: Բացի այդ, այնտեղ կանցկացվեն ռուսաց լեզվի անվճար դասընթացներ:
«Կրթությունը զարգացած պետության հիմնական և գլխավոր բաղադրիչն է։ Ուրախ ենք, որ նորաբաց կենտրոնը կօգնի մեր երիտասարդներին համալրել գիտելիքները և իմանալ ավելին ռուսաց լեզվի և գրականության մասին», – ասաց «Ռուսական կենտրոն» ստեղծելու նախաձեռնության հեղինակ կազմակերպության` «Մոսկվայի տան» տնօրեն Վահրամ Կարապետյանը։
Կենտրոնի մուտքի կարմիր ժապավենը կտրեցին Հայաստանում ՌԴ դեսպան Սերգեյ Կոպիրկինը և Ավետիք Իսահակյանի անվան կենտրոնական գրադարանի տնօրեն Հասմիկ Կարապետյանը։
«Այսօր մեզ մոտ պրեմիերա է․ առաջին նման կենտրոնն է բացվում Հայաստանում։ Մյուս գրադարաններում առայժմ ռուսական կենտրոններ չկան։ Երբեմն կարող է թվալ, թե Հայաստանում Ռուսաստանի մասին բոլորը գիտեն, բայց երկու երկրները պետք է շարունակեն աշխատել, որպեսզի պահպանեն և զարգացնեն երկկողմ հարաբերությունները։ Հուսով եմ, որ այս կարևոր նախաձեռնությունը կշարունակվի, այդ թվում նաև երկրի մյուս քաղաքներում և մարզերում»,-նշեց դեսպանը։
Կոպիրկինի խոսքով՝ նման կենտրոնների բացումը կարևոր է նաև հայ-ռուսական հարաբերությունների ամրապնդման տեսանկյունից:
«Իհարկե, մեր հարաբերությունները շատ ամուր են, դրանց արմատները շատ խորն են, բայց դա չի կարելի որպես ի վերուստ տրված համարել։ Մենք պետք է համատեղ և մշտապես աշխատենք, որպեսզի այդ հարաբերությունները զարգանան, հարմարվեն նոր իրողություններին ինչպես մեր երկրներում, այնպես էլ ամբողջ աշխարհում»,-ավելացրեց նա։
Գրադարանի տնօրենի խոսքով՝ ռուս գրականությունը միշտ մեծ պահանջարկ է ունեցել ընթերցողների շրջանում, և նոր գրքերի շնորհիվ դպրոցականները, ուսանողներն ու մեծահասակ ընթերցողները կարող են ավելի հաճախ գալ գրադարան՝ իրենց սիրելի գրքերի հետևից:
«Ռուսական կենտրոնի» մուտքն ազատ է ոչ միայն գրադարանի գրանցված ընթերցողների, այլև բոլոր ցանկացողների համար: Այն բացվել է Երևանի «Մոսկվայի տուն» մշակութային-գործարարական կենտրոնի նախաձեռնությամբ։
ПОСЛЕДНИЕ ОТ АВТОРА
-
2024-04-29 15:04
Президент Азербайджана Ильхам Алиев не намерен ничего подписывать с Арменией, при этом получая поочередно все, что указано в его «шопинг-листе»: от т.н. «анклавов» до т.н. «Зангезурского коридора». Об этом заявил политолог Сергей МЕЛКОНЯН.
-
2024-04-29 14:18
В Беркабер введены полицейские силы, по моей информации, ведутся активные работы по разминированию. Об этом сегодня, 29 апреля, в Киранце заявил депутат Гарник Даниелян.
-
2024-04-29 14:17
В Киранц прибыли предстоятель Арагацотнской епархии, епископ Мкртыч Прошян и глава Масиацотнской епархии, епископ Геворк Сароян. Об этом говорится в сообщении, распространенном на странице инициативы «Тавуш во имя Родины» в «Facebook».
-
2024-04-29 14:11
В ходе вчерашней акции мы узнали, что возле церкви Воскепара появились азербайджанцы. Мы вынужденно приостановили акцию в Дилижане и сразу же направились в Воскепар для встречи с жителями села. Сельчане также подтвердили, что там были азербайджанцы, они выполняли какие-то работы, говорят, рубили деревья. Об этом заявил в беседе с журналистами в Киранце 29 апреля депутат парламента от блока «Армения» Гарник Даниелян.