Խաղաղ բնակավայրերի դիտավորյալ ոչնչացումը ծայրահեղ վնաս է հասցնում տարածաշրջանում կայունությանը
Վերակառուցման և զարգացման եվրոպական բանկի (ՎԶԵԲ)՝ հոկտեմբերի 5-ից մեկնարկած տարեկան ժողովի շրջանակներում հոկտեմբերի 7-ին հեռավար կարգով կայացել է Կառավարիչների խորհրդի լիագումար նիստը, որի ընթացքում որոշումներ են ընդունվել կառույցի 2021-2025 թթ. Ռազմավարական և կապիտալի շրջանակի վերաբերյալ, հաստատվել է Բանկի հաշվետվությունը:
Լիագումար նիստում ՀՀ փոխվարչապետ, ՎԶԵԲ-ում Հայաստանի կառավարիչ Տիգրան Ավինյանն ընտրվել է Կառավարիչների խորհրդի փոխնախագահող 2020-2021 թթ. համար: Բանկին մեր երկրի անդամակցությունից ի վեր առաջին անգամ է Հայաստանի ներկայացուցիչն ընտրվում Կառավարիչների խորհրդի փոխնախագահող: Հիշեցնենք նաև, որ 2021 թվականին Երևանը հյուրընկալելու է ՎԶԵԲ տարեկան ժողովը:
ՎԶԵԲ տարեկան ժողում Հայաստանը ներկայացրել է ՀՀ էկոնոմիկայի նախարարի տեղակալ, ՎԶԵԲ-ում Հայաստանի փոխկառավարիչ Ավագ Ավանեսյանը: Վերջինս հանդես է եկել 2021-2025 թթ. Ռազմավարական և կապիտալի շրջանակի և ՎԶԵԲ-ի հետ համագործակցության ուղղությունների վերաբերյալ ելույթով:
Ավագ Ավանեսյանը ներկայացրել է նաև Արցախի նկատմամբ Թուրքիայի աջակցությամբ ու ահաբեկիչների ներգրավմամբ Ադրբեջանի սանձազերծած հարձակման մանրամասները, անդրադարձել ագրեսիայի հետևանքով քաղաքացիական բնակավայրերի թիրախավորմանը և դրա արդյունքում երկարատև վերականգման խնդիրներին:
ՀՀ էկոնոմիկայի նախարարի տեղակալ Ավագ Ավանեսյանի ելույթի տեքստը․ <Պատիվ և մեծ հաճույք է ներկա գտնվել Վերակառուցման և զարգացման եվրոպական բանկի 2020 թվականի տարեկան ժողովին և Հայաստանի Հանրապետության անունից դիմել ձեզ: Նախ ուզում եմ շնորհակալական խոսք հղել ՎԶԵԲ-ի նախագահի պաշտոնակատար պարոն Յուրգեն Ռիգտերինքին, ինչպես նաև կառավարման թիմին՝ այսպիսի անկայուն ժամանակներում տարեկան ժողովը կազմակերպելու ջանքերի համար: Ցանկանում եմ նաև մեր անկեղծ երախտագիտությունը հայտնել մեր տնօրենների կազմին՝ ավարտված տարվա համար:
Մենք նաև գնահատում ենք 2021-2025 թվականների Ռազմավարության և կապիտալի շրջանակի մշակման ջանքերը, մեր աջակցությունն ենք հայտնում Ռազմավարության և կապիտալի շրջանակին և հուսով ենք, որ բանկի ապացուցված արդյունավետությունը հնարավոր կդարձնի նախանշված նպատակները:
Կարծում ենք, որ ներկայիս ընդգրկման երկրներում բանկի ներգրավվածությունն ավելի նախընտրելի ռազմավարություն է, որը կնպաստի վերոհիշյալ նպատակներին՝ նոր ծագող խոցելի կողմերի լուծման և հետկորոնավիրուսային վերականգնմանն աջակցելու համար, գուցե հարկ լինի ավելի շատ արտոնյալ ռեսուրսներ հատկացնել այն շրջաններին, որոնք առավելապես են տուժել, այս հնարավորությունը պետք է ուսումնասիրվի և գնահատվի:
Մենք նաև ողջունում ենք ՎԶԵԲ-ի արագ արձագանքը COVID-19 համաճարակի մարտահրավերներին: Բայց արագ արձագանքման օրակարգից զատ, մենք խորապես հավատում ենք, որ երկարաժամկետ վերականգնումն ու աճը հնարավոր կլինի ձեռք բերել տեխնոլոգիական փոփոխությունների, նորարարության, զարգացման և միջազգային արժեշղթաների խորացման միջոցով: Այս առումով չի կարելի գերագնահատել միջազգային ֆինանսական հաստատությունների և, մասնավորապես, ՎԶԵԲ-ի դերն ու ներկայիս ներդրումը:
Մինչ մենք խոսում ենք համընդհանուր բարգավաճման և կայուն ապագայի աճի և արդյունավետ անցումային շրջանի մասին, որը մեզ սպասում է համաճարակի հաղթահարումից հետո, մինչ մենք խոսում ենք համագործակցության և ընդգրկվածության մասին, արդեն տասն օր է, ինչ Արցախի (Լեռնային Ղարաբաղի) ժողովուրդը պայքարում է հանուն կյանքի գոյության իրավունքի:
Ադրբեջանի կողմից Արցախի դեմ ռազմական ագրեսիան, որը թափ է հավաքել Թուրքիայի լիակատար և անմիջական աջակցությամբ և ուղեկցվում է միջազգային հումանիտար իրավունքի կոպիտ խախտումներով, վտանգել է ողջ տարածաշրջանի անվտանգությունը: Թուրքիայի և Ադրբեջանի կողմից ռազմական գործողություններին մասնակցում են Սիրիայից և Լիբիայից ժամանած օտարերկրյա ահաբեկչները: Արցախի ժողովուրդը պաշտպանում է ոչ միայն իր անվտանգությունը, այլև պայքարում է համընդհանուր արժեքների, ժողովրդավարության և մարդու իրավունքների համար, նա դիմակայում է ահաբեկչությանը, բռնությանն ու ճնշումներին:
Չնայած ԵԱՀԿ Մինսկի խմբի համանախագահ երկրների և միջազգային հանրության կողմից ռազմական գործողություններն անհապաղ դադարեցնելու կոչերին՝ Ադրբեջանն ու Թուրքիան շարունակում են լայնածավալ ագրեսիան:
Խաղաղ բնակավայրերի դիտավորյալ ոչնչացումը և մարդկային կորուստները ծայրահեղ վնաս են հասցնում տարածաշրջանում խաղաղությանն ու կայունությանը: Բացասական հետևանքները, ցավոք, խորը և տևական կլինեն՝ պահանջելով մեղմման և հաղթահարման համար լայնածավալ քաղաքական և տնտեսական մոբիլիզացիա: Հակամարտության միայն խաղաղ լուծում ունենալու անհապաղ ընկալումը կենսական նշանակություն ունի, հակառակ դեպքում տարածաշրջանը կհայտնվի հումանիտար ճգնաժամի եզրին:
Հայաստանի Հանրապետությունը հավատարիմ է մնում այս կազմակերպության հիմնադիր սկզբունքներին: Մենք կապահովենք, որ ներկայիս մարտահրավերները մեզ չշեղեն աճի կանխորոշված ընթացքից և ընդհանուր բարգավաճումից, մենք ակնկալում ենք ավելի արդյունավետ համագործակցություն և դրական ձեռքբերումներ>։
Finport.am
ПОСЛЕДНИЕ ОТ АВТОРА
-
2024-04-18 11:18
Перед выборами в Совет старейшин Еревана и после прошлогоднего смещения мэра Еревана правящая партия Армении «Гражданский договор» в сентябре 2022 года назначила бывшего заместителя премьер-министра Армении Тиграна Авиняна на пост вице-мэра Еревана. Позже Авинян стал фактическим мэром армянской столицы после отставки мэра в марте 2023 года, и вплоть до его официального избрания на пост мэра в сентябре 2023 года. Об этом в ежегодном докладе «Nations in Transit 2024» упомянула правозащитная организация Freedom House, передает NEWS.am.
-
2024-04-18 11:17
Федеральная служба по надзору в сфере образования и науки (Рособрнадзор) не исключает изменение балльной системы экзаменов для мигрантов и включение в экзамен проверки устной речи, об этом со ссылкой на пресс-службу ведомства сообщил РБК.
-
2024-04-18 11:10
Законопроект о дополнительном финансировании для Украины, представленный спикером Палаты представителей США Майком Джонсоном, предлагает выделить Украине 60,84 млрд долларов для поддержки в противостоянии российской агрессии, включая 23,2 млрд долларов на восполнение оружейных запасов США.
-
2024-04-18 11:06
Российский политолог, ведущий научный сотрудник МГИМО Сергей Маркедонов считает, что уход Российского миротворческого контингента из Нагорного Карабаха – не конец истории, если оценивать его спокойно и рационально.