Ոստիկանները Վահագն Վարագյանին բերման ենթարկեցին

Ոստիկանները ԿԳՄՍ նախարարության դիմացից բերման ենթարկեցին նախարարի հրաժարականի պահանջ ներկայացնող «Կանաչ ապագա» ՀԿ ղեկավար Վահագն Վարագյանին։

Նշենք, որ մի խումբ երիտասարդներ ԿԳՄՍՆ-ի դիմաց ակցիա են իրականացնում։

«Արայիկ Հարությունյանը պետք է դուրս գա իր տաք կաբինետից ու պատասխանի հարցին՝ արդյո՞ք կողմ է Նիկոլի ստորագրած դավաճանական փաստաթղթին: Սուպեր նախարարը մեզ պետք է բացատրի, թե ինչո՞ւ ձայն-ծպտուն չի հանում:

Իսկ եթե դեմ է, ինչո՞ւ է նախարար, ինչո՞ւ հրաժարական չի տալիս», - նշված է նրանց հարցադրման մեջ։

Ակցիայի մասնակիցները դասախոսներին և ուսանողներին կոչ էին արել միանալ իրենց, տեղեկացնում է Aysor.am-ը: