Ադրբեջանի վերահսկողության տակ անցած համայնքների բնակիչները կստանան 300 հազար դրամ աջակցություն

Ադրբեջանի Հանրապետության վերահսկողության տակ անցած համայնքներում հաշվառված քաղաքացիները կստանան 300 հազար դրամ միանվագ աջակցություն։

Ինչպես հայտնում է ՀՀ կառավարության մամուլի ծառայությունը, միջոցառումից կարող են օգտվել այն քաղաքացիները, որոնք մինչև 2020 թվականի սեպտեմբերի 27-ը՝ առնվազն վերջին 3 ամիսը փաստացի բնակվել են այնտեղ:

Ծրագիրը կիրականացվի «Հայաստան» համահայկական հիմնադրամի կողմից ՀՀ կառավարությանը նվիրաբերված միջոցներով, տեղեկացնում է Newsarmenia.am-ը։