Կայացել է «ԱԱԾ պահեստազորի սպաների միության» անդրանիկ նիստը

Կայացել է «Ազգային անվտանգության ծառայության պահեստազորի սպաների միություն» հասարակական կազմակերպության անդրանիկ նիստը։

Ներկաները մեկ րոպե լռությամբ հարգել են ՀՀ ԱԱԾ տնօրենի նախկին առաջին տեղակալ, գեներալ-լեյտենանտ Հրաչյա Վազգենի Հարությունյանի հիշատակը: Նիստի ընթացքում քննարկվել են կառույցի ծրագրային խնդիրներին և մոտեցումներին առնչվող հարցեր, որոշվել առաջիկա անելիքները։

«ԱԱԾ պահեստազորի սպաների միություն» ՀԿ-ն հիմնադրվել է ՀՀ ԱԱԾ տնօրենի նախկին առաջին տեղակալ, գեներալ-լեյտենանտ Հրանտ Միքայելի Եպիսկոպոսյանի, ՀՀ ԱԱԾ տնօրենի նախկին տեղակալ, գեներալ-լեյտենանտ Վրեժ Խաչատուրի Արզումանյանի և ՀՀ ԱԱԾ նախկին տնօրենի ժամանակավոր պաշտոնակատար, գնդապետ Միքայել Վազգենի Համբարձումյանի կողմից, տեղեկացնում է Aysor.am-ը։