Դավիթ Սահակյանց․ Ինչպե՞ս ենք մարելու այս բոլոր պարտքերը
Հայաստանի վարչապետի պաշտոնակատար Նիկոլ Փաշինյանը մայիսի 10-ին խորհրդարանի ամբիոնից իր ելույթում ասաց, որ ոչ մի վատ բան չկա երկրի պետական պարտքի ծավալն էլ ավելի մեծացնելու մեջ: Բայց նա մարդկանց չի ասում, որ գալու է վճարելու ժամանակը, և այդ պարտքը ինչ-որ կերպ պետք է վճարվի: Այս մասին մայիսի 11-ին լրագրողների հետ հանդիպման ժամանակ ասաց ռեժիսոր-անիմատոր Դավիթ Սահակյանցը:
Ցանկացած պարտք, ըստ ռեժիսորի, ինչպիսին էլ որ այն լինի, վաղ թե ուշ պետք է վերադարձվի: «Թե ինչպե՞ս դու դա կանես: Ինչպե՞ս կվերադարձնես: Դու անընդհատ պարտքեր ես կուտակում, բայց միևնույն ժամանակ սիրուն բաներ ես ասում. Խոստանում ես մանկապարտեզներ և դպրոցներ կառուցել: Մարդիկ լսում են այս ամենը, բայց ստիպված են ինչ-որ պահի կանգ առնել և իրենց հարց տալ. «Ինչպե՞ս ենք մարելու այս բոլոր պարտքերը»: Դա նույնպես մանիպուլյացիա է, որն ազդում է մարդկանց հոգեբանության վրա»,- ասաց Սահակյանցը, տեղեկացնում է News.am-ը:
