Վերին Շորժայում հակառակորդի կրակոցից 31-ամյա զինծառայող է զոհվել

Գեղարքունիքի մարզի Վերին Շորժա բնակավայրում հակառակորդի կրակոցից հայ զինծառայող է զոհվել։ Տեղեկությունը հայտնում է ՀՀ ՊՆ մամուլի ծառայությունը։

«Գեղարքունիքի մարզի Վերին Շորժայի սահմանային հատվածում հակառակորդի արձակած կրակահերթերից հետո սկսված փոխհրաձգության արդյունքում մահացու հրազենային վիրավորում է ստացել պայմանագրային զինծառայող, կրտսեր սերժանտ Վ. Յ. Խուրշուդյանը (ծնված 1989 թ.)»,–ասված է հայտարարության մեջ։

Իրավիճակն այս պահին վերահսկելի է, կրակոցներ չկան։

ՀՀ պաշտպանության նախարարությունն իր խորին ցավակցությունն է հայտնում զոհված զինծառայողի ընտանիքի անդամներին, հարազատներին և ծառայակիցներին, տեղեկացնում է Sputnik Armenia-ն։