Պուտինը մինչև սեպտեմբերի 30-ը երկարացրել է ՌԴ-ում միգրանտների ժամանակավոր գտնվելու ժամկետը

ՌԴ նախագահ Վլադիմիր Պուտինը մինչև 2021 թվականի սեպտեմբերի 30-ը երկարացրել է Ռուսաստանում միգրանտների՝ առանց պատժամիջոցների, ժամանակավոր գտնվելու ժամկետը, հաղորդում Է Sputnik Ближнее зарубежье-ն: Այսպիսով՝

·        ՌԴ-ն օտարերկրացիներին չի վտարի մինչև սեպտեմբերի 30-ը, եթե նրանք իրավախախտումներ չեն կատարել:

·        Միգրանտներին կարելի է Ռուսաստանում գտնվել առանց փաստաթղթերի երկարաձգման՝ համապատասխան պետության հետ սահմանների բացումից հետո մինչև 90 օր:

·        Մինչև սեպտեմբերի 30-ը օտարերկրացիները կարող են դիմել ՆԳՆ՝ իրենց իրավական վիճակը կարգավորելու համար:

·        Հունիսի 16-ից դադարեցվել են ՌԴ-ում օտարերկրացիների ժամանակավոր գտնվելու ժամկետները և ժամանակավոր կացության թույլտվությունների գործողության ժամկետները: