Moderna-ն փոխել է իր պատվաստանյութի անվանումը

Moderna-ն փոխել է կորոնավիրուսի դեմ իր պատվաստանյութի անվանումը: Դեղամիջոցն այժմ կկոչվի Spikevax: Այս մասին հաղորդվում է Դեղերի եվրոպական գործակալության կայքում:

Դրանից առաջ դեղամիջոցի անվանումը համընկնում էր ընկերության անվան հետ:

Հիշեցնենք, որ ապրիլին, հետազոտությունից հետո, Moderna ընկերությունն իջեցրել է կորոնավիրուսի դեմ իր պատվաստանյութի արդյունավետությունը:

30 հազար մարդու մասնակցությամբ փորձարկումներում պարզվել է, որ պատվաստանյութը կանխում է վարակը 90%-ի դեպքերում, իսկ ծանր հիվանդությունը 95% դեպքերում, տեղեկացնում է Aysor.am-ը: