Նյու Ջերսին դարձավ ԱՄՆ 10-րդ նահանգը, որը ճանաչեց Արցախը

Նյու Ջերսին դարձավ ԱՄՆ 10-րդ նահանգը, որը ճանաչեց Արցախը։ Ինչպես հայտնում է Ամերիկայի Հայ դատի հանձնախումբը, Նյու Ջերսիի Սենատը միաձայն ընդունել է Արցախի ճանաչման մասին բանաձևը, որի նախաձեռնողը նահանգի սենատոր Ջոզեֆ Լագանան է։

Այդ օրը ավելի վաղ ANCA-ի անդամներ Անի Չագլասյանը և Ջո Արիյանը ցուցմունք են տվել Սենատի դատական հանձնաժողովում՝ ի պաշտպանություն այդ միջոցառման:

Ի լրումն Արցախի ճանաչման, բանաձևը դատապարտում է Թուրքիային և Ադրբեջանին՝ Արցախի և Հայաստանի խաղաղ բնակչության դեմ ագրեսիայի համար, և հաստատում է Նյու Ջերսի նահանգի կողմից Հայոց ցեղասպանության ճանաչումը, տեղեկացնում է News.am-ը: