Ադրբեջանի և Թուրքիայի հատուկ ջոկատայինները համատեղ զորավարժություններ են անցկացրել Նախիջևանում

Նախիջևանում անցկացվել են ադրբեջանական և թուրքական հատուկ նշանակության ջոկատների համատեղ զորավարժությունները:

Ինչպես հաղորդում են ադրբեջանական լրատվամիջոցները, խոսքն այսպես կոչված մարտավարական-հատուկ վարժանքների մասին է, որոնք անցկացվել են «Նախիջևանի կայազորի զորքերի համակարգման պլանի համաձայն 2021 ուսումնական տարվա համար»:

Զորավարժությունների սցենարը պայմանական թշնամու` դիվերսիոն խմբին չեզոքացումն է: Նախիջևանի զորավարժությունները Կարսի զորավարժությունների շարունակությունն են դարձել, տեղեկացնում է News.am-ը: