Կրկին լարված իրավիճակ՝ Երևանի կենդանաբանական այգում

Այսօր Երևանի քաղաքապետի տեղակալ Գայանե Մելքոմ Մելքոմյանը ոստիկանների ուղեկցությամբ այցելել է կենդանաբանական այգի և աշխատակազմին է ներկայացրել կենդանաբանական այգու նոր տնօրենի պաշտոնակատար Արևիկ Մկրտչյանին, ով ըստ որոշ տեղեկությունների, այգու նախկին աշխատակիցն է և նախկին տնօրեն Ռուբեն Խաչատրյանի աջ թևը։

Ի պատասխան Կենդանաբանական այգու աշխատակիցներից ոմանք ընդդիմացել են և լքել տնօրենի ներկայացման միջոցառումը։

Կենդանաբանական այգու աշխատակիցները նախկին տնօրենի դեմ բազմաթիվ բողոքի ակցիաներ կազմակերպեցին և ի վերջո Երևանի քաղաքապետարանի ճնշման տակ Ռուբեն Խաչատրյանն ազատման դիմում ներկայացրեց, տեղեկացնում է News.am-ը։