Երևանում մարմնամարզության մարզադպրոցի կառուցումը հետաձգվել է

Երևանի քաղաքապետարանը հայտնում է մարմնամարզության մարզադպրոցի կառուցման ծրագրի հետաձգման մասին:

«Արմենպրես»-ի հարցմանն ի պատասխան Երևանի քաղաքապետարանից մասնավորապես տեղեկացրին. «Քաղաքապետարանի համապատասխան ստորաբաժանումները պատրաստել են մարմնամարզության մարզադպրոցի շենքի տեխնիակական պայմանները, սակայն նկատի ունենալով համավարակի և պատերազմի հետևանքով ստեղծված իրավիճակը, մասնավորապես, ֆինանսական խնդիրները, մարզադպրոցի կառուցման ծրագիրը հետաձգվել է:

Միջազգային չափանիշներին համապատասխան որակյալ մարզադպրոց կառուցելու նպատակով ներկայումս քաղաքապետարանը համագործակցում է ռուսաստանցի գործընկերների հետ՝ ձեռք բերելու նմանատիպ մարզադպրոցի շինության նախագիծ, որը կտեղայնացվի Երևանում»: