Հադրութում հայտնաբերվել է ևս մեկ աճյուն

Ադրբեջանի կողմից բռնազավթված Հադրութի շրջանում իրականացված որոնողական աշխատանքների արդյունքում այսօր Արցախի փրկարար ջոկատը հայտնաբերել և տարհանել է ևս 1 հայ զինծառայողի աճյուն: Տեղեկությունը հայտնում է Արցախի արտակարգ իրավիճակների պետական ծառայությունը։

Հայտնաբերված աճյունի ինքնությունը կհաստատվի ՀՀ-ում՝ դատաբժշկական փորձաքննությունից հետո:

Զինադադարից հետո Արցախի գրավյալ տարածքներում իրականացված որոնումների արդյունքում փրկարար ջոկատները հայտնաբերել են 1655 աճյուն, որոնց թվում նաև քաղաքացիական անձինք են, տեղեկացնում է Sputnik Armenia-ն: