The Independent-ի լրագրողը նշել է Facebook-ի ծառայությունների աշխատանքի խափանման պատճառը

Բրիտանական The Independent պարբերականի լրագրող Բրայան Քրեբսը նշել է Facebook-ի ծառայությունների աշխատանքի խափանման պատճառը: Այս մասին նա գրել է իր Twitter-ում:

«DNS գրառումները, որոնք համակարգերին ասում են, թե ինչպես գտնել Facebook.com-ը կամ Instagram.com-ը, այսօր առավոտյան հանվել են գլոբալ երթուղացման աղյուսակներից»,- ասել է Քրեբսը: Նրա խոսքով՝ միայն ընկերությունն ինքն է տնօրինում այդ գրառումները:

Լրագրողը նաև նշել է, որ այս պահին անհայտ է, թե ինչու է նման փոփոխություն կատարվել: Նա ենթադրել է, որ այդ փոփոխությունը կարող էր ներքին փոփոխությունների կամ թարմացումների արդյունք լինել, որոնք «շեղվել են», գրում է Gazeta-ն:

Իր հերթին, New York Times-ի լրագրող Ռայան Մակը Twitter-ում ասել է, որ Facebook հավելվածից բացի, դադարել են աշխատել նաև ներքին գործիքները, ինչպես նաև հաղորդակցման հարթակները, ներառյալ Workplace-ը:

Նա հայտարարել է, որ «բոլոր աշխատանքները դադարել են»:

«Մի քանի հոգի, որոնց հետ ես զրուցեցի, ասացին, որ դա ձնագնդի է նման»,- գրել է լրագրողը սոցիալական ցանցում:

Երկուշաբթի ավելի վաղ հայտնի էր դարձաել, որ Facebook-ի ծառայությունների, այդ թվում՝ Instagram-ի, WhatsApp-ի և Facebook Messenger-ի աշխատանքում զանգվածային խափանումներ են տեղի ունեցել:

Ծառայության տվյալներով՝ Facebook-ի էջեր մուտք գործելու հետ կապված խնդիրներ կան: Բացի այդ, Whatsapp-ի օգտվողները բողոքել են հավելվածի խափանումներից (45%), սերվերին միանալու դժվարություններից (28%) և հաղորդագրություններ ուղարկելու ժամանակ խափանումներից (26%):

Օգտատերերի 52%-ը հայտնել է, որ Instagram-ի էջ մուտք գործելու հետ կապված խնդիրներ կան, տեղեկացնում է News.am-ը: