ՌԴ ԱԳՆ․ Ռուսաստանը կողմ է Ղարաբաղի վերաբերյալ բոլոր դրույթների անվերապահ կատարմանը

Ռուսաստանը հետևողականորեն հանդես է գալիս Ռուսաստանի, Հայաստանի ու Ադրբեջանի ղեկավարների 2020 թվականի նոյեմբերի 9-ին և 2021 թվականի հունվարի 11-ին ձեռք բերված եռակողմ պայմանավորվածությունների բոլոր դրույթների անվերապահ պահպանման օգտին։

Այս մասին այսօր արտաքին քաղաքականության հարցերով ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

«Մենք հույս ունենք , որ դրանով անհրաժեշտ պայմաններ կստեղծվեն Երևան - Բաքու հարաբերությունների կարգավորման համար, այդ թվում նաև երկկողմ բարդ հարցերի մասով», - ասել է Զախարովան, տեղեկացնում է Sputnik Արմենիա-ն: