Բեռլին. Գերմանիայի կողմից «Հյուսիսային հոսք 2» գազատարի թույլտվության հետաձգումը քաղաքական ենթատեքստ չունի

Գերմանիայի կողմից «Հյուսիսային հոսք 2» գազատարի թույլտվության հետաձգումը քաղաքական ենթատեքստ չունի, վստահեցրել է Գերմանիայի կառավարության պաշտոնական ներկայացուցիչ Շտեֆեն Հեբեստրայթը, փոխանցում է Reuters-ը։

Նրա խոսքով` գազատարի շահագործումը թույլ չտալու մասին որոշումը կայացվել է պատկան մարմինների կողմից։

Գերմանական Bundesnetzagentur կարգավորող մարմինը նոյեմբերին դադարեցրեց գազատարի հավաստագրման գործընթացը՝ ասելով, որ կոնսորցիումը պետք է դուստր ձեռնարկություն ստեղծի Գերմանիայում՝ եվրոպական էներգետիկ կանոնակարգերին համապատասխանելու համար:

Հինգշաբթի հայտարարվել էր, որ որոշումը` արդյոք գազամուղը նախատեսվում է շահագործման հանձնել հաջորդ տարվա առաջին կիսամյակում, դեռ չի կայացվել, տեղեկացնում է News.am-ը։