Պեսկով․ Անգամ ցանկության դեպքում դժվար է ԱՄՆ–ին գործընկեր անվանել

Անգամ ցանկության դեպքում հիմա դժվար է ԱՄՆ-ին Ռուսաստանի գործընկեր անվանել, հայտարարել է ՌԴ նախագահի մամուլի քարտուղար Դմիտրի Պեսկովը:

Լրագրողները հետաքրքրվել են` արդյոք առաջիկայում ՌԴ և ԱՄՆ նախագահներ Վլադիմիր Պուտինի և Ջո Բայդենը կզրուցեն հեռախոսով, քանի որ վերջին շրջանում ՌԴ առաջնորդը զրուցել է արևմտյան գործընկերների հետ:

«Հիմա անգամ ցանկության դեպքում դժվար է զրուցակիցներին գործընկերներ անվանել։ Բայց ամեն անգամ դա լավ հնարավորություն է մեր փաստարկները զրուցակիցներին հասցնելու և Ուկրաինայում անցկացվող ռազմական հատուկ գործողության էությունը բացատրելու համար»,– ասել է Պեսկովը, տեղեկացնում է Sputnik Արմենիա-ն։