«Ուրալյան ավիաուղիները» մինչև մարտի վերջ չեղարկել է թռիչքները դեպի Հայաստան և մի շարք այլ երկրներ

«Ուրալյան ավիաուղիները» մինչև մարտի վերջ չեղարկել է բոլոր չվերթները դեպի Հայաստան, Արաբական Միացյալ Էմիրություններ (ԱՄԷ), Ադրբեջան և Իսրայել, շաբաթ օրը հայտնել է ավիափոխադրողի Telegram ալիքը, փոխանցում է ՏԱՍՍ-ը։

«Ներկայիս աշխարհաքաղաքական իրավիճակի պատճառով «Ուրալյան ավիաուղիները» ստիպված է չեղարկել հետևյալ միջազգային չվերթները. դեպի ԱՄԷ՝ 2022թ. 04.03-ից մինչև 26.03, դեպի Հայաստան՝ 2022թ. 04.03-ից մինչև 26.03, դեպի Ադրբեջան՝ 2022թ. 05.03-ից մինչև 26.03, դեպի Իսրայել՝ 2022թ. 04.03-ից մինչև 26.03»,- ասվում է հաղորդագրության մեջ, տեղեկացնում է News.am-ը։