ՆԱՏՕ-ն ՌԴ-ի դեմ պատժամիջոցներ է ակնկալում բոլոր դաշնակիցներից․ Թուրքիան հրաժարվում է

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը Ռուսաստանի դեմ պատժամիջոցներ է ակնկալում բոլոր դաշնակիցներից, ազդանշանը փոխանցվել է նաև Թուրքիային: Այս մասին հայտնում է CNN Turk-ը ։

«Այո, մենք ակնկալում ենք, որ մեր բոլոր դաշնակիցները պատժամիջոցներ կսահմանեն։ Այնպես որ, մենք կարող ենք Ռուսաստանին ստիպել վճարել այդ գինը։ Ես այդ մասին նաև պարոն Չավուշօղլուին եմ ասել։ Թուրքիան այստեղ առանցքային դեր է խաղում», – հայտարարել է Ստոլտենբերգը։

Սակայն Թուրքիան այս պահին չի ծրագրում պատժամիջոցներ կիրառել Ռուսաստանի դեմ։ Այս մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալընը։

«Այս պահին մենք չենք ծրագրում պատժամիջոցներ սահմանել Ռուսաստանի դեմ։ Անկարան ցանկանում է բաց պահել վստահության խողովակը։ Եվ, իհարկե, մենք չենք ուզում, որ մեր տնտեսությունը տուժի», - ասել է Քալընը, տեղեկացնում է Sputnik Արմենիա-ն։