Մակրոնը Պուտինին ասել է, որ գազի ներկրման համար ռուբլով վճարելն անհնար է

Ֆրանսիայի նախագահ Էմանուել Մակրոնն իր ռուս գործընկեր Վլադիմիր Պուտինին ասել է, որ գազի ներկրման համար հնարավոր չէ ռուբլով վճարել։ Այս մասին հայտնում է Reuters-ը՝ հղում անելով Ֆրանսիայի նախագահի ներկայացուցչին։ «Ֆրանսիան դեմ է ռուբլով հաշվարկներին»,- ասել է պաշտոնյան։

Պուտինի հետ հեռախոսազրույցում Մակրոնը հաստատել է նաև Ուկրաինայի Մարիուպոլ քաղաքում մարդասիրական փրկարարական գործողություն իրականացնելու իր պատրաստակամությունը, նշել է պաշտոնյան՝ հավելելով, որ նման քայլի համար պայմաններ դեռ ստեղծված չեն, տեղեկացնում է News.am-ը։