Տիգրան Աբրահամյան․ Ադրբեջանը չի կանգնելու, գործելու է այնքան, որքան դրա հնարավորությունն իրեն տրվում է

Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանի դիտարկմամբ՝ Ադրբեջանը չի կանգնելու, գործելու է այնքան, որքան որ դրա հնարավորությունն իրեն տրվում է։

Նրա խոսքով՝ 2020 թվականի դեկտեմբերին՝ պատերազմից 1 ամիս անց, երբ Ադրբեջանը խլում էր Հադրութի շրջանի Հին Թաղեր և Խծաբերդ գյուղերը, գերեվարում ու գնդակահարում մեր զինծառայողներին, կրկին իշխանությունը ոչինչ չէր անում։

«Մի քանի առիթով փորձել եմ հրապարակային ճշտել, թե ինչ քայլեր է ձեռնարկում իշխանությունը այս 2 գյուղերի առնչությամբ, արդյո՞ք հայ-ադրբեջանական կամ հայ-ռուսական քննարկումների օրակարգում է այս գյուղերի շուրջ ստեղծված իրավիճակը։

Այս գյուղերը, ինչպես Ասկերանի շրջանի Փառուխ գյուղն ու Քարագլխի լեռնաշղթան, նոյեմբերի 9-ի եռակողմ հայտարարության համաձայն, պետք է շարունակեին մնալ հայկական վերահսկողության ներքո։

Ադրբեջանը, տեսնելով, որ նոյեմբերի 9-ի փաստաթուղթը կարող է վերախմբագրմամբ և ընտրողաբար գործածել, անցել է գործի։

Ադրբեջանը չի կանգնելու, գործելու է այնքան, որքան որ դրա հնարավորությունն իրեն տրվում է», - նշել է ընդդիմադիր պատգամավորը, տեղեկացնում է Aysor.am-ը։