2022-04-06 13:52
Լրատվական գործակալություններ
Հայաստանում ծնելիության մակարդակը նվազել է 3,4 տոկոսով
Տարվա առաջին ամիսներին Հայաստանում ծնելիության մակարդակը նվազել է 3,4 տոկոսով, իսկ մահացությունն աճել է 11 տոկոսով։
Հայաստանի ազգային վիճակագրական կոմիտեի հրապարակած տվյալների համաձայն՝ 2022 թվականի հունվար-փետրվարին ծնելիության մակարդակը 2021 թվականի նույն ժամանակահատվածի համեմատ նվազել է 3,4 տոկոսով։
Այսպիսով, հաշվետու ժամանակահատվածում ծնվել է 5344 երեխա, իսկ 2021 թվականի հունվար-փետրվարին՝ 5533։
Նշված ժամանակահատվածում մեռելածինների թիվը կազմել է 58 դեպք, ինչը 28,4 տոկոսով պակաս է 2021 թվականի նույն ժամանակահատվածի համեմատ։
2022 թվականի հունվար-փետրվարին ընդհանուր առմամբ երկրում մահացել է 6030 մարդ, ինչը 11 տոկոսով ավելի է 2020 թվականի նույն ժամանակահատվածի համեմատ, տեղեկացնում է Verelq.am-ը։