Ալեն Սիմոնյանը դժգոհություն է հայտնել ԱԺ-ում ընդդիմության աշխատանքից (ՏԵՍԱՆՅՈՒԹ)
Խորհրդարանական ընդդիմությունը շատ քիչ օրենսդրական նախաձեռնություններ է ներկայացնում։ Նրանք գրեթե չեն մասնակցում միջազգային այցերին և հանդիպումներին։ Այս մասին ապրիլի 12-ին Ազգային ժողովի նիստին հայտարարեց ՀՀ ԱԺ նախագահ Ալեն Սիմոնյանը՝ մեկնաբանելով ընդդիմության կողմից հերթական քառօրյայի բոյկոտը։
«Ադրբեջանի և Թուրքիայի հետ ամենահայտնի «հանդիպումը» Հայաստանում ժողովրդավարության աճի մասին զեկույցին դեմ քվեարկությունն էր։ Դրանից հետո որևէ նշանակալից, լուրջ «հանդիպում», ըստ էության, տեղի չի ունեցել։ Վարչապետը Ղարաբաղի, ինչպես նաև հանրապետության շուրջ ստեղծված իրավիճակի թեմայով հանդիպումներ անցկացնելու առաջարկներ չի ստացել»,- ասաց Սիմոնյանը։
Ավելին, նա ընդդիմությանը մեղադրեց Բաքվի հետ համագործակցության մեջ։ Սիմոնյանը հատկապես ընդգծեց «ընդդիմության և Ադրբեջանի զինված ուժերի համակարգված աշխատանքը»։ «Հայտարարություն՝ սադրանք սահմանին, հայտարարություն՝ սադրանք սահմանին: Ամեն ինչ շատ լավ բռնում է իրար հետ: Խոսքն ինչ-որ պատահականության մասին չէ»,- կարծում է Ազգային ժողովի նախագահը։
Ալեն Սիմոնյանը նաև հետաքրքրվեց, թե ինչու ընդդիմության ներկայացուցիչները վայր չեն դնում իրենց պատգամավորական մանդատները: ԱԺ նախագահի խոսքով՝ նրանց աշխատանքը չափազանց անբավարար է։ «Ուզում եմ հասկանալ, թե վերջապես ե՞րբ են այդ մարդիկ սկսելու աշխատել։ Ե՞րբ են արդարացնելու իրենց աշխատավարձերը: Ե՞րբ են այդ մարդիկ արդարացնելու իրենց վրա ծախսվող պետական միջոցները»,- հարցրեց ՀՀ վարչապետ Նիկոլ Փաշինյանի մերձավորներից մեկը։
Նշենք, որ Ազգային ժողովի խոսնակն ինքը բազմիսց նման քննադատության է ենթարկվել։ Հատկապես հաճախ նրան մեղադրում էին պետական միջոցների անհիմն վատնման մեջ։ Խոսքը, մասնավորապես, նոր ավտոմեքենաների գնման մասին էր, այդ թվում՝ նրան ուղեկցողների համար։ Ալեն Սիմոնյանին մեղադրում էին նաև հաճախակի արտասահմանյան այցերի մեջ, տեղեկացնում է News.am-ը։