Ոստիկանություն․ Երևանի բոլոր տրանսպորտային հանգույցները երթևեկելի են

Ոստիկանությունը հայտնում է, որ այս ժամին Երևանի բոլոր տրանսպորտային հանգույցները երթևեկելի են:

Ոստիկանության պաշտոնական կայքում հրապարակված հաղորդագրության համաձայն` այսօր առավոտյան բեռնատար մեքենաներով փակվել էին մայրաքաղաքի տրանսպորտային երթևեկության մի քանի հատվածներ:

«Ոստիկանության ծառայողներն արագ արձագանքել ու վերացրել են երթևեկության խոչընդոտները»,– վստահեցնում է գերատեսչությունը։

Նշենք, որ բեռնատարներով և բետոնախառնիչներով այսօր փակվել էին Կիևյան և Հաղթանակի կամուրջները, տեղեկացնում է Sputnik Արմենիա-ն։