Անհնազանդության ակցիաների ժամանակ բերման է ենթարկվել 59 անձ

Երևանի տարբեր փողոցներում անցկացված անհնազանդության ակցիաների ժամանակ՝ այսօր մայիսի 6–ին, բերման է ենթարկվել 59 անձ։ Այս մասին NEWS.am–ին հայտնեցին Ոստիկանության լրատվության վարչությունից։

Քաղաքացիները բերման են ենթարկվել ՀՀ Վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):

Նշենք, որ Նիկոլ Փաշինյանի հրաժարականի պահանջով մայիսի 2–ից քաղաքացիները անհնազանդության ակցիաներ են անում Երևանում և Հայաստանի այլ մարզերում։