Բայդենը Լենդ-լիզեի մասին օրենք է ստորագրել՝ Ուկրաինայում «ժողովրդավարությունը պաշտպանելու» համար

ԱՄՆ նախագահ Ջո Բայդենը Սպիտակ տանը տեղի ունեցած արարողության ժամանակ Լենդ-լիզեի մասին օրենք է ստորագրել՝ Ուկրաինայում «ժողովրդավարությունը պաշտպանելու» համար։ Օրենքն ուղղված է Ուկրաինային ռազմական օգնության տրամադրման գործընթացի պարզեցմանը։

«Ես ստորագրում եմ մի օրինագիծ, որը ևս մեկ կարևոր գործիք է տրամադրում իրենց երկիրն ու ժողովրդավարությունը Պուտինի դաժան պատերազմից պաշտպանելու պայքարում Ուկրաինայի կառավարությանը և ուկրաինացի ժողովրդին աջակցելու մեր ջանքերում»,- ասել է Բայդենը լրագրողներին։

Ապրիլի վերջին ԱՄՆ Ներկայացուցիչների պալատն ընդունեց օրենք, որը թույլ կտա Բայդենին օգտագործել Երկրորդ համաշխարհային պատերազմի ժամանակների օրենքը, որը հայտնի է որպես 1941 թվականի Լենդ-լիզեի մասին օրենք՝ Ուկրաինային պարտքով արագ զենք մատակարարելու համար, տեղեկացնում է News.am-ը: