2022-05-27 12:29
Լրատվական գործակալություններ
0
ԱԺ նախագահի մեքենային ուղեկցող «Toyota»-ները չեն գնվի. որոշումը կկասեցվի
Իշխանությունը հրաժարվել է ՀՀ ԱԺ նախագահ Ալեն Սիմոնյանին սպասարկող «BMW 750Li» ծառայողական ավտոմեքենային ուղեկցող «Toyota RAV 4» մոդելի երեք ամենագնաց գնելու որոշումից։ Տեղեկությունը Sputnik Արմենիայի հետ զրույցում հաստատեց ԱԺ նախագահի մամուլի խոսնակ Ծովինար Խաչատրյանը` նշելով, որ որոշվել է ձեռնպահ մնալ նման քայլից:
«Այս պահին նման գնումը նպատակահարմար չէ»,- ասաց նա։
Իսկ քանի որ գնման գործընթացը հաստատվել է կառավարության որոշմամբ, Խաչատրյանը հայտնեց, որ այն նույն ընթացակարգով էլ կասեցվելու է։
«Ոչ թե չեղարկվելու է, այլ կասեցվելու է»,- ասաց ԱԺ նախագահի մամուլի խոսնակը։