2022-05-27 15:38
Լրատվական գործակալություններ
0
Փաշինյանն Ֆրանսիայի դեսպանի հետ խոսել է ԼՂ հիմնախնդրի կարգավորման մասին
ՀՀ վարչապետ Նիկոլ Փաշինյանն ընդունել է Հայաստանում Ֆրանսիայի արտակարգ և լիազոր դեսպան Անն Լույոյին։ Տեղեկությունը հայտնում է վարչապետի մամուլի ծառայությունը։
Փաշինյանն ընդգծել է Ֆրանսիայի՝ որպես ԵԱՀԿ Մինսկի խմբի համանախագահող երկրի դերակատարումը ԼՂ հիմնախնդրի համապարփակ կարգավորման գործում:
Վարչապետը նշել է, որ Հայաստանը հետաքրքրված է բարեկամ Ֆրանսիայի հետ հարաբերությունների շարունակական ամրապնդմամբ թե՛ երկկողմ, թե՛ բազմակողմ ձևաչափով:
Զրուցակիցները քննարկել են հայ-ֆրանսիական երկկողմ հարաբերություններին, Լեռնային Ղարաբաղի հիմնախնդրին, տարածաշրջանային իրավիճակին և զարգացումներին վերաբերող հարցեր, տեղեկացնում է Sputnik Արմենիա-ն: