Հայկական կողմը չի գնդակոծել. ՀՀ ՊՆ-ն հերքում է Ադրբեջանի տարածած լուրը

Հայկական կողմը չի գնդակոծել ադրբեջանական մարտական դիրքերը։ ՀՀ պաշտպանության նախարարությունը հերքում է Ադրբեջանի տարածած լուրը։

«Ադրբեջանի պաշտպանության նախարարության տարածած հաղորդագրությունը, թե իբր մայիսի 30-ին ՀՀ ԶՈւ ստորաբաժանումները տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը, ապատեղեկատվություն է»,– ասված է ՊՆ–ի հաղորդագրության մեջ:

Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ ստորաբաժանումների լիարժեք վերահսկողության տակ:

Sputnik Արմենիա