Միրզոյան․ Կարևորագույն առաջնահերթություն է ՀՀ-ի և Ղարաբաղի անվտանգության ապահովումը

Մեր արտաքին քաղաքականության կարևորագույն առաջնահերթությունը Հայաստանի և Ղարաբաղի անվտանգության ապահովումն է, ինչպես նաև՝ ղարաբաղյան հակամարտության քաղաքական կարգավորումը ԵԱՀԿ Մինսկի խմբի համանախագահության շրջանակներում։ Այս մասին հունիսի 6-ին Ազգային ժողովում մշտական ​​խորհրդարանական հանձնաժողովների համատեղ նիստին 2021 թ. պետբյուջեի կատարողականի նախնական քննարկման ժամանակ հայտարարեց ՀՀ արտգործնախարար Արարատ Միրզոյանը։

Նա, մասնավորապես, մանրամասն ներկայացրեց իր բոլոր հանդիպումները, ինչպես նաև մյուս պաշտոնյաների հանդիպումները և դրանց բովանդակությունը։ Միրզոյանը վստահեցրեց, որ քննարկումների ձևաչափի տեսանկյունից հայկական կողմի համար առանձնահատուկ նշանակություն ունի ԵԱՀԿ Մինսկի խմբի համանախագահների թիվը։ «Գրեթե մեկ տարվա ընդմիջումից հետո, ելնելով շահագրգիռ պետությունների դիրքորոշումներից և հայկական կողմի հետ համատեղ աշխատանքից, 2021 թ. սեպտեմբերին Նյու Յորքում, իսկ հետո՝ նույն թվականի նոյեմբերին, տեղի ունեցան Հայաստանի և Ադրբեջանի արտգործնախարարների հանդիպումները՝ ԵԱՀԿ Մինսկի խմբի համանախագահների մասնակցությամբ։ Հանդիպումների ընթացքում հայկական կողմն ընդգծել է իր դիրքորոշումը ԵԱՀԿ Մինսկի խմբի համանախագահության միջոցով ղարաբաղյան հիմնախնդրի խաղաղ կարգավորման գործընթացի լիարժեք վերականգնման վերաբերյալ»,- նշեց Միրզոյանը:

Հաստատվել է նաև սահմանային գոտում դեէսկալացման անհրաժեշտությունը, հումանիտար հարցերի կարգավորումը, ընդգծվել է սադրանքների և հակահայկական հռետորաբանության անթույլատրելիությունը։

News.am