Իրանը կարձագանքի ԱԷՄԳ-ի հանդիպման ժամանակ ձեռնարկված ցանկացած գործողության
Իրանը կարձագանքի ՄԱԳԱՏԷ-ի հանդիպման ժամանակ ձեռնարկված ցանկացած գործողության: Այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն՝ մեկնաբանելով Ատոմային էներգիայի միջազգային գործակալության (ԱԷՄԳ) կառավարիչների խորհրդի նիստը և այս նիստին Իրանի դեմ բանաձևի ընդունման հնարավորությունը, գրում է Mehr-ը։
Նա հայտնել է, որ Իրանին առնչվող երաշխիքների հարցերի քննարկումը և ՀԳՀԾ-ի կատարման վերաբերյալ զեկույցը ներառված են Ատոմային էներգիայի միջազգային գործակալության կառավարիչների խորհրդի եռամսյակային նիստի օրակարգում։
Նրա խոսքով՝ ցավոք, ԱԷՄԳ-ի ղեկավար Ռաֆայել Գրոսսին վերջերս Եվրախորհրդարանում հապճեպ զեկույց ներկայացրեց Իրանի միջուկային գործունեության վերաբերյալ, որն անտեսում է բոլոր քայլերը ու պատասխանները, որոնք Իրանը մանրամասն և տեխնիկապես ներկայացրել է գործակալության հարցերին ի պատասխան:
Նշելով, որ զեկույցում կարելի է տեսնել «կեղծ սիոնիստական ռեժիմի հետքերը», նա հավելել է, որ Թեհրանը չի ընդունում ո՛չ զեկույցը, ո՛չ էլ եվրոպական երեք երկրների ու նրանց ամերիկյան դաշնակիցների՝ Իրանի դեմ բանաձև ընդունելու փորձերը։
Իրանցի դիվանագետը նաև ասել է, որ հակաիրանական բանաձևերի ընդունումը կառուցողական չէ՝ հայտարարելով. «Մենք կարծում ենք, որ դա բացասաբար կանդրադառնա ՄԱԳԱՏԷ-ի հետ Իրանի ընդհանուր համագործակցության վրա»։
Խաթիբզադեն նաև կոչ է արել նրանց դեմ քվեարկել բանաձևին, որպեսզի Իրանի կողմից դիվանագիտության համար ստեղծված պատուհանը բաց մնա։
News.am