Օրական քանի՞ կորուստ է ունենում Ուկրաինան. նախարարը թվեր է ներկայացրել
Ուկրաինայի զինված ուժերն օրական հարյուրավոր սպանվածներ և 500 վիրավոր են ունենում: Ինչպես հայտնում է ՌԻԱ Նովոստին, այս տվյալները հրապարակել է Ուկրաինայի պաշտպանության նախարար Ալեքսեյ Ռեզնիկովը։
Ճակատում ստեղծված իրավիճակը նա «բարդ» է որակել։
Ավելի վաղ Դոնբասում Ուկրաինայի զինված ուժերի աղետալի վիճակը հաստատել էր ամերիկյան հետախուզությունը` հայտնելով, որ ուկրաինացի զինվորականները մեծ կորուստներ են կրում, գրոհայինները լքում են իրենց դիրքերը կամ հանձնվում։
ԱՄՆ-ի տեղեկություններով` ռուսական բանակը քսանապատիկ առավելություն ունի հրետանու և բազմակի արձակման հրթիռային համակարգերի քանակով։ Իրավիճակը բարդացնում է նաև այն հանգամանքը, որ Դոնբասում ուկրաինական խմբավորումների զինամթերքը սպառվում է։
Ուկրաինական բանակը կորուստներ է կրում ոչ միայն Դոնբասում, այլև Նիկոլաևի շրջանում։ Այս տեղեկությունները հաստատել է Գերագույն ռադայի պատգամավոր Ռոման Կոստենկոն։ Ըստ նրա՝ Ուկրաինայի զինված ուժերին մեծ կորուստներ է պատճառում հեռահար հրետանին։
Sputnik Արմենիա