ԲԴԽ-ն կքննի դատավոր Տիգրան Սիմոնյանին կարգապահական պատասխանատվության ենթարկելու հարցը

Վերաքննիչ քրեական դատարանի դատավոր Տիգրան Սիմոնյանի վերաբերյալ Բարձրագույն դատական խորհրդում (ԲԴԽ) կարգապահական վարույթ կքննվի:

NEWS.am-ին ԲԴԽ-ից հայտնեցին, որ Տիգրան Սիմոնյանին կարգապահական պատասխանատվության ենթարկելու դիմում են ստացել։

Նշենք, որ վարույթը հարուցել է Դատավորների էթիկայի և կարգապահական հարցերի հանձնաժողովը՝ փաստաբան Տիգրան Աթանեսյանի դիմումի հիման վրա:

Մենք տեղեկացանք, որ վարույթի հարուցման առիթը դատավորի կողմից առանց ծանուցման դատական նիստ նշանակելն ու անձին կալանքի տակ թողնելու որոշում կայացնելն է: