Ադրբեջանը և Ռուսաստանը անվտանգության ոլորտում համագործակցության մասին համաձայնագիր են ստորագրել

Ադրբեջանն ու Ռուսաստանը ուրբաթ օրը անվտանգության ոլորտում համագործակցության մասին համաձայնագիր են ստորագրել, հայտարարել է ՌԴ ԱԳ նախարար Սերգեյ Լավրովը։

«Այս փաստաթուղթը վերաբերում է կիբեռտարածության անվտանգությանը»,- Ադրբեջանի արտգործնախարար Ջեյհուն Բայրամովի հետ բանակցություններից հետո ուրբաթ օրը Բաքվում կայացած ճեպազրույցում ասել է Լավրովը։

Ադրբեջանի արտգործնախարարն իր հերթին հավելել է, որ 30-ամյա համագործակցության ընթացքում կողմերի միջև ստորագրվել է շուրջ 250 փաստաթուղթ և համաձայնագիր։

Բայրամովն ու Լավրովն ընդգծել են, որ բանակցություններում քննարկել են տնտեսական փոխգործակցության, Կասպից ծովի, Հյուսիս-Հարավ տրանսպորտային միջանցքի զարգացման, Ադրբեջանի և Ռուսաստանի Դաշնության մեդիա կառույցների համագործակցության հարցեր։

News.am