Հայաստան–Թուրքիա հատուկ ներկայացուցիչների հաջորդ հանդիպումը կկայանա հուլիսի 1-ին

Հայաստան-Թուրքիա կարգավորման գործընթացի շրջանակներում երկու երկրների հատուկ ներկայացուցիչների հաջորդ հանդիպումը տեղի կունենա հուլիսի 1-ին։ Այս մասին ֆեյսբուքյան էջում հայտնել է ՀՀ ԱԳ նախարարի մամուլի խոսնակ Վահան Հունանյանը։

Հուլիսմեկյան հանդիպումը նախանշված է Ավստրիայի մայրաքաղաք Վիեննայում։

Հայաստանի և Թուրքիայի հատուկ ներկայացուցիչների` Ռուբեն Ռուբինյանի և Սերդար Քըլըչի վերջին` 3-րդ հանդիպումը ևս կայացել էր Վիեննայում։

Sputnik Արմենիա