Ալեքսեյ Գորդեև. Հայաստանում կստեղծվի ռուս-հայկական տեխնոպարկ

Հայաստանում առաջիկայում նախատեսում ենք ստեղծել արդյունավետ գործող համատեղ տեխնոպարկ։ Այս մասին Երևանում լրագրողների հետ զրույցում հունիսի 28-ին ասել է Ռուսաստանի Պետդումայի փոխնախագահ Ալեքսեյ Գորդեևը։

Նրա խոսքով՝ Հայաստանի փոխվարչապետ Մհեր Գրիգորյանի հետ հանդիպման ժամանակ քննարկվել է համատեղ ձեռնարկությունների ստեղծման նպատակով կատարվող ներդրումների լուրջ ավելացման հնարավորությունը ինչպես արդյունաբերության, այնպես էլ գյուղատնտեսության ոլորտներում։

Նա ավելացրել է, որ լրջորեն քննարկվել են նաև Ռուսաստանի և Հայաստանի շուկաներում արտադրանքի փոխադարձ սերտիֆիկացման հարցերը, որպեսզի այդ ապրանքներն ընդունվեն որպես հայրենական արտադրության արտադրանք։

«Առանձին թեմա էր այն, թե ինչպես օգտագործենք կրթության և գիտության ոլորտի պոտենցիալը, ստեղծենք փոխգործակցության ճիշտ շղթաներ»,- նշել է Գորդեևը։

News.am