Ռուսաստանում կանցկացվեն «Վոստոկ-2022» ռազմավարական զորավարժությունները

Ռուսաստանը օգոստոսի 30-ից սեպտեմբերի 5-ը Արևելյան ռազմական օկրուգի զորքերի հետ կանցկացնի «Վոստոկ-2022» ռազմավարական զորավարժությունները, հաղորդում է ՌԴ պաշտպանության նախարարությունը:

Նշվում է, որ զորավարժություններն ընդգրկելու են Արևելյան ռազմական օկրուգի 13 զինափորձարան:

Արևելյան ռազմական օկրուգի զորքերից բացի, տվյալ զորավարժություններում կներգրավվեն Օդադեսանտային զորքերի, Հեռահար ավիացիայի և Ռազմատրանսպորտային ավիացիայի ուժերի մի մասը, ինչպես նաև այլ պետությունների զորակազմեր:

Զորքերը զորավարժությունների ընթացքում կմշակեն Արևելյան տարածաշրջանում անվտանգության ապահովման համար անհրաժեշտ գործողությունները:

Sputnik Արմենիա