Ադրբեջանական կրակոցների հետևանքով Հայաստանում ռուս սահմանապահները չեն տուժել

Ռուսաստանի անվտանգության դաշնային ծառայության սահմանապահ վարչության աշխատակիցները չեն տուժել։

Մեկնաբանելով ԶԼՄ-ներում հայտնված հրապարակումներն այն մասին, որ Ռուսաստանի ԱԴԾ սահմանապահ ուժերի հենակետը գնդակոծվել է Գեղարքունիքում, Հայաստանում Ռուսաստանի ԱԴԾ սահմանապահ վարչությունից Sputnik Արմենիային հայտնել են` սահմանապահները չեն տուժել:

Ավելի վաղ հաղորդվել էր, որ Գեղարքունիքի մարզի տարածքում Ռուսաստանի ԱԴԾ սահմանապահ ուժերի տեղակայման կետը գնդակոծվել է Ադրբեջանի զինված ուժերի կողմից: ՀՀ պաշտպանության նախարարությունը հայտնել է նաև Գեղարքունիքի մարզի Վերին Շորժա շրջանում ՌԴ ԱԴԾ տրանսպորտային միջոցների գնդակոծման մասին: