Բալթյան երկրները և Լեհաստանն արգելել են ԵՄ այլ երկրների վիզաներ ունեցող ռուսաստանցիների մուտքը

Բալթյան երկրները և Լեհաստանն այսօրվանից արգելք են սահմանել ԵՄ այլ երկրների վիզաներ ունեցող Ռուսաստանի և Բելառուսի քաղաքացիների համար։ Այս մասին հայտնել է Էստոնիայի արտաքին գործերի նախարարությունը։

Սեպտեմբերի 1-ին Պրահայում ոչ պաշտոնական հանդիպման ժամանակ ԵՄ երկրների արտաքին գործերի նախարարները պայմանավորվել են Ռուսաստանի և ԵՄ-ի միջև վիզաների տրամադրման դյուրացման վերաբերյալ համաձայնագիրը կասեցնելու շուրջ։ Այսպիսով, վիզա ստանալու գործընթացը կբարդանա և կթանկանա։

Բացի այդ, Վարշավան, Վիլնյուսը, Ռիգան և Թալինը պայմանավորվել են սահմանափակել ռուսաստանցիների ուղևորությունները։

ԵՄ-ում բացառություններ կարվեն բեռնատարների վարորդների, դիվանագետների համար, ինչպես նաև այն անձանց համար, որոնք հատում են սահմանը մարդասիրական նպատակով։

News.am