Բերդ համայնքի ղեկավարն ազատ կարձակվի գրավի դիմաց

Տավուշի մարզի Բերդ համայնքի ղեկավար Հարություն Մանուչարյանը դատարանի որոշմամբ ազատ կարձակվի։ Տեղեկությունը «Ֆեյսբուքի» իր էջում հայտնել է համայնքապետարանի խոսնակ Հասմիկ Գյոզալյանը։

«Բերդ համայնքի ղեկավար Հարություն Մանուչարյանը շուտով ազատության մեջ կլինի. Հարություն Մանուչարյանի նկատմամբ կիրառված խափանման միջոց կալանքը դատարանի որոշմամբ փոխարինվել է գրավով»,– նշել է Գյոզալյանը։

Հարություն Մանուչարյանը կալանավորված է դեռ անցած տարվանից։ Նա սեպտեմբերի 25-ին անազատության վայրից վերընտրվեց իր պաշտոնում՝ հաղթելով ՔՊ–ի թեկնածու Վահրամ Սուքիասյանին։

Նրան մեղադրանք է առաջադրվել քրեական օրենսգրքի 308-րդ հոդվածի 1-ին («Պաշտոնեական լիազորությունները չարաշահելը) և 314-րդ մասին 1-ին մասերի հատկանիշներով («Պաշտոնեական կեղծիքը)։

Sputnik Արմենիա