Politico․ ՊԵԿԻՆԸ ՀՐԱԺԱՐՎՈՒՄ Է G-20-Ի ՇՐՋԱՆԱԿՈՒՄ ԲԱՅԴԵՆԻ ԵՎ ԾԻՆՓԻՆԻ ՄԻՋԵՎ ԾՐԱԳՐՎԱԾ ՀԱՆԴԻՊՈՒՄԻՑ
Պեկինը հրաժարվում է G-20-ի շրջանակում ԱՄՆ նախագահ Ջո Բայդենի և Չինաստանի նախագահ Սի Ծինփինի ծրագրված հանդիպումից։ Պեկինը չի շփվում ամերիկացի պաշտոնյաների հետ՝ փորձելով սահմանել հանդիպման օրակարգը, ինչը կարող է խանգարել դրա կայացմանը, գրում է Politico-ն՝ վկայակոչելով աղբյուրները։
Երկար սպասված հանդիպումը դիտվում է որպես հնարավորություն՝ մեղմելու ԱՄՆ-Չինաստան հարաբերություններում լարվածությունը։
Սակայն ԱՄՆ-ի վերջին գործողությունները, մասնավորապես, Բայդենի խոստումը, որ ԱՄՆ-ն կպաշտպանի Թայվանը Չինաստանի ներխուժման դեպքում, զայրացնում են Չինաստանին այն աստիճան, որ նա մտածում է հանդիպումը չեղյալ հայտարարելու մասին։
Բայդենի և Սիի հնարավոր հանդիպման նախապատրաստական աշխատանքները սկսվել են ամիսներ առաջ։ Սպիտակ տունը հուլիսին հայտարարել է, որ երկու առաջնորդների վերջին ելույթից հետո երկու կողմերը համաձայնության են եկել հանդիպել։ Օգոստոսին Չինաստանի արտաքին գործերի նախարարությունը պատվիրակություն է ուղարկել Ինդոնեզիա՝ Բալիում G-20-ի շրջանակում հանդիպման նախապատրաստման համար:
«Հանդիպումը դեռ հաստատված չէ»,-ասել է հանդիպման նախապատրաստական աշխատանքներին ծանոթ Վաշինգտոնի աղբյուրը։
