ՀՀ-ում 2 օր տեղումներ չեն գրանցվի, բայց օդի ջերմաստիճանը կնվազի. եղանակի տեսություն

Այսօր և վաղը Հայաստանում տեղումներ չեն գրանցվի։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Ըստ հաղորդագրության` նոյեմբերի 4-6-ը թույլ տեղումներ են սպասվում առանձին շրջաններում։

Օդի ջերմաստիճանը նոյեմբերի 2-ի գիշերը կնվազի 3-5 աստիճանով։

Նոյեմբերի 1-ի լույս 2-ի և 2-ի լույս 3-ի գիշերը Արարատյան դաշտում և նրա նախալեռնային գոտում օդում սպասվում է մինչև -2 աստիճան ցուրտ։

Երևանում ցերեկային ժամերին օդի ջերմաստիճանը կտատանվի 15-17, գիշերը` 2-4 աստիճան տաքության սահմանում։

Sputnik Արմենիա