Ահաբեկչական խմբավորումները հարձակում են նախապատրաստում Սիրիայի Հմեյմիմ ավիաբազայի վրա

«Ջեբհաթ ան Նուսրա» և «Թյուրքեստանի իսլամական կուսակցություն» ահաբեկչական խմբավորումները (արգելված է Ռուսաստանում) հարձակում են նախապատրաստում Սիրիայում Հմեյմիմ ավիաբազայի վրա՝ հարվածային սարքավորումներով անօդաչու թռչող սարքերի և կամիկաձե դրոնների կիրառմամբ։ Այս մասին հայտնել է Սիրիայում հակամարտող կողմերի հաշտեցման ռուսական կենտրոնի ղեկավարի տեղակալ, գեներալ-մայոր Օլեգ Եգորովը:

Նա նշել է, որ Հիրբեթ էլ Ջոուզ շրջանի արհեստանոցներում ավարտել են մինչև 70 կմ շառավղով գործող մեծ թվով անօդաչու թռչող սարքերի հավաքումն ու նախապատրաստումը:

Ահաբեկիչների մտահղացմամբ՝ մեծ թվով անօդաչուների կիրառումը կարող էր շեղել ռուսական հակաօդային պաշտպանության միջոցները և հարվածել Հմեյմիմ ավիաբազային։

Sputnik Արմենիա