Արտակ Բեգլարաըն․ Խոնարհումս մեր ապագայի համար ընկած բոլոր հերոսների հիշատակի առջև
Երկու տարի առաջ այս օրը դադարեց աղետալի պատերազմը Արցախի Հանրապետության ու հայ ժողովրդի դեմ:
Ստեփանակերտը խոցված ու դատարկ էր, սակայն ինչպես հավատում էի, Արցախը վերածնվել է բոլորիս ջանքերի շնորհիվ: Բայց դեռ երկար ու ծանր ճանապարհ ունենք անցնելու՝ Հայրենիքի փրկության, զարգացման ու զորացման համար: Պատերազմի հետևանքները ծանր են ու լայնածավալ՝ հազարավոր զոհեր, հայրենի բնակավայրերի կորուստ, ավերածություններ, հոգեբանական տրավմաներ, իսկ դասերը դեռ պետք է խորությամբ սերտվեն բոլորիս կողմից, քանի որ Ադրբեջանը շարունակում և շարունակելու է ցեղասպանական ու ատելության քաղաքականությունը հայ ժողովրդի դեմ:
Խոնարհումս մեր ապագայի համար ընկած բոլոր հերոսների հիշատակի առջև և մեծագույն շնորհակալություն Հայրենիքի պաշտպանության գործում ներդրում ունեցած յուրաքանչյուր անձի:
