Եվրախորհրդարանը Ռուսաստանն ահաբեկչության հովանավոր պետություն է ճանաչել

Այսօր՝ նոյեմբերի 23-ին, Ստրասբուրգում ձայների մեծամասնությամբ Եվրախորհրդարանը կողմ քվեարկեց Ռուսաստանն ահաբեկչության հովանավոր պետություն ճանաչելու մասին բանաձևին, հաղորդում է DW-ը։

Այդպիսով եվրապատգամավորները մտադիր են հող նախապատրաստել, որպեսզի Ռուսաստանի նախագահ Վլադիմիր Պուտինին և Ռուսաստանի կառավարությանը պատասխանատվության ենթարկեն միջազգային տրիբունալի առջև։ Այս մասին ասվում է Եվրախորհրդարանի կայքում տեղակայված հաղորդագրության մեջ։

Եվրամիությունում իրավական հիմք չկա երրորդ երկիրը ահաբեկչության հովանավոր պետություն ճանաչելու համար։ Այս մասին ասել է ներքին գործերի հարցերով եվրահանձնակատար Իլվա Յոհանսոնը 2022 թվականի հոկտեմբերի 18-ին Եվրախորհրդարանի լիագումար նիստում։ Այս կապակցությամբ Եվրախորհրդարանն իր բանաձևում կոչ է անում ԵՄ-ին և նրա անդամ երկրներին իրավական հիմք մշակել ահաբեկչության հովանավոր պետությունների և ահաբեկչությանը դիմող պետությունների համար։

Նման սահմանումը կարող է հանգեցնել կոշտ պատժամիջոցների և սահմանափակումների։ Դրանից հետո ԵՄ-ն պետք է քննարկի Ռուսաստանը Դաշնությունը ԵՄ-ի՝ ահաբեկչության հովանավոր պետությունների ցուցակում ներառելու հարցը։

News.am