Մոսկվայի Կրեմլի պատի պանթեոնի տարածքում ծաղիկներ են դրվել Հովհաննես Բաղրամյանի գերեզմանին
Հովհաննես Բաղրամյանի ծննդյան 125-ամյակի կապակցությամբ Մոսկվայի Կրեմլի պատի պանթեոնի տարածքում տեղի է ունեցել ծաղիկների և ծաղկեպսակների տեղադրման արարողություն ԽՍՀՄ կրկնակի հերոսի, Խորհրդային Միության մարշալի գերեզմանին։ Տեղեկությունը հայտնում են ՌԴ-ում Հայաստանի Հանրապետության դեսպանատնից։
Միջոցառմանը մասնակցել է ՌԴ-ում ՀՀ դեսպան Վաղարշակ Հարությունյանը։ Ելույթ ունենալով միջոցառմանը՝ դեսպան Վ․ Հարությունյանն ընդգծել է անվանի հայազգի հրամանատարի մեծ ներդրումը ֆաշիզմի դեմ պայքարում և Հայրենական մեծ պատերազմում Հաղթանակի նվաճման գործում։ Վ․ Հարությունյանն նշել է նաև, որ հայ ժողովուրդը հպարտանում է Հ․ Բաղրամյանի սխրանքներով և մեծ հարգանքով պահպանում նրա հիշատակը։
Արարողությանը ներկա են եղել ՌԴ բանակի գեներալ Վլադիմիր Իսակովը, Հ․ Բաղրամյանի թոռներն ու ազգականները, վետերանների կառույցի, ՌԴ ԶՈւ Գլխավոր շտաբի ներկայացուցիչներն ու ռազմական բուհերի կուրսանտները։
Sputnik Արմենիա
